“#الثوره_مستمره” يتصدر.. ومغردون: مصر أكبر من عصابة العسكر

- ‎فيسوشيال

شهد هاشتاج “#الثوره_مستمره” تفاعلًا من جانب رواد مواقع التواصل الاجتماعي، بالتزامن مع الذكرى التاسعة لثورة يناير، وأكَّد المغردون ضرورة التوحد خلال الفترة المقبلة من أجل إنقاذ الوطن ووقف التفريط في ثرواته ومقدراته، والعمل على إسقاط عصابة العسكر.

وكتبت هبة الحناوي: “إحنا مفشلناش إحنا نجحنا.. نجحنا في إننا عرفنا فين أوجه القصور عشان نقدر نعالجها.. إحنا شعب عنيد لما بنصمم على حاجة بنعملها بس المهم ناخد بالأسباب.. الناس نزلت فرادى على أساس ما قيل لهم من أن هناك تنظيما ومجموعات على الأرض.. لا تعتمد إلا على نفسك.. اشتغل أنت على الأرض”.

فيما كتبت رشا: “الثورة مستمرة عشان أحبابنا المعتقلين وعشان الحرية والكرامة والعدالة وعشان أولادنا وعشان دينا وهويتنا”. مضيفة: “شعبنا مش جبان.. شعبنا مش يائس هننزل تاني وتالت”.

وكتبت حليمة: “أنا عارف إنك هتكمل ورد فعلك ده طبيعي، لطبيعة شخصيتك المنفعلة، إحنا صدقناك وأحييت فينا الأمل وعملت رعب وكهربة للنظام، في الوقت اللي محدش قدر يهز فيه شعراية إنت تعبت واجتهدت وجريت فكل حته عشان توصل صوتنا للعالم، وده من وقتك وجهدك”. مضيفة: “اللي حصل امبارح درس قاس للجميع والثورة مش بتخلص في يوم.. واجبنا في المرحلة دي نشجع بعض بكل قوة، والثورة لم تنته.. بلاش إحباط ودي مجرد جولة ونستفيد من الدروس دي في الجولات القريبة القادمة”.

وكتبت نور الصباح: “الثورة مستمرة ومطالبها عيش حرية كرامة إنسانية عدالة اجتماعية”. فيما كتب مانديلا: “أنا عارف إنك هتكمل ورد فعلك ده طبيعي، لطبيعة شخصيتك المنفعلة، إحنا صدقناك وأحييت فينا الأمل وعملت رعب وكهربة للنظام، في الوقت اللي محدش قدر يهز فيه شعراية، إنت تعبت واجتهدت وجريت في كل حتة عشان توصل صوتنا للعالم، وده من وقتك وجهدك ومالك، استجمع قوتك تاني والقاضية جاية”.

وكتب أبو إبراهيم: “المشكلة ليست بأعداد النزول، فسوف نرى اليوم آلافًا من المشجعين المصريين ينزلون لحضور مباراة الأهلي، المشكلة الأكبر والتي يجب العمل عليها هي وعي الناس بالمخاطر الحقيقية التي تواجه البلد”.

فيما كتب مصراوي: “لازم ننفض آثار الإحباط بسرعة ونتحلى بالصبر والأمل ويكون عندنا ثقة في فرج الله القريب بإذن الله.. شريعة الله في خلقه لن ينتصر الباطل على الحق أبدا مهما طال الزمن”.