سجون العسكر تحولت إلى أماكن للقتل والتخلص من رافضى الانقلاب الدموى وانتهاك الحرمات بهدف تشويه صورة الشرفاء وإجبارهم على الاعتراف بتهم ملفقة لا علاقة لهم بها.
سين مواطن مصرى، ولأنه يرفض حكم العسكر كان لابد فى رأى الانقلابيين بالطبع من اعتقاله وتعذيبه وكهربته والتحرش به واغتصابه.
هذه هى مبادئ العسكر فى التعامل مع المصريين التى لخصها السفاح فى مقولة "انتو نور عينينا".
الرسالة التالية من أحد أصدقاء المواطن سين يشرح فيها ما واجهه فى سجون العسكر:
"المواطن سين ، سنه من سني .. عنده 21 سنة ومعاه دبلوم صنايع، هو من أشمون في المنوفية، وفي الأوضاع العظيمة اللي احنا فيها اسمه راح للأمن والداخلية راحت اقتحمت بيته 5 مرات خلال الفترة الأخيرة في محاولة لاعتقاله لكنه مكنش موجود ..
حظه الأغبر، انه كان داخل قرية طملاي وقف في كمين شرطة واتاخد من هناك ..
أغلب اللي اعتقلوا او اللي يعرفوا حد اعتقل عارفين الحفلة، العلقة اللي بياخدها المعتقل قبل العرض على النيابة؛ صاحبنا المواطن سين ناله من العلقة جانب، اطحن ضرب أو اتنفخ زي ما بيتقال..
لحد هنا، للأسف، عادي.
اللي حصل بعد كده أنه "سين" متعرضش على النيابة، اتخطف، تم احتجازه بدون عرض على النيابة ولا تهم .. ازاي تم احتجازه؟ الإجابة مؤلمة شوية..
"سين" اتعلق في السقف وهو متكلبش في مكان مضلم على الاخر، "سين" اتقلع هدومه كاملة، خلوه زي يوم ما ولدته امه ونزلوا فيه ضرب، بس الضرب بالنسبة ليهم مكانش كفاية، قرروا يكسروه .. هتكوا عرضه.
لكن .. يبدو أنه كسره مكنش كفاية، الجبابرة في قسم شبين الكوم قرروا يعجزوه، فضلوا يكهربوه في مناطق تعجزه لحد ما مبقاش عنده القدرة انه يدخل دورة المياه.
لما اتعرض أخيرًا على النيابة، "سين" طلب من المحامين يثبتوا حالته، وبدورهم المحامين طلبوا عرضه على دكتور ..
الدكتور كان في منتهى الانسانية وكانت اخلاق المهنة عنده في قمتها؛ شتم "سين" بأقذع الألفاظ ورفض رفضا تاما أنه يثبت حالته.
النيابة موجهة لـ "سين" تهم تفجير وحرق سيارات في المنوفية وطالبة منه يعترف بعلاقته بأسماء ناس هو ميعرفش عنها أي حاجة، كراجل، "سين" ميقدرش يقول لحد من اهله على الي حصل ومحدش من معارفه يعرف الا واحد بيحاول ينجده وهو الي وصل لنا صوته.
"سين" حاليًا متواجد في سجن الترحيلات في شبين الكوم بالمنوفية .. تم تعذيبه، وهتك عرضه، وتعجيزه واتهامه باتهامات ميعرفش عنها حاجة ممكن تدفعه قد عمره وشوية في السجن أو تلبسه في إعدام.
الحقوا سين ..
الحقوا اللي زي سين اللي منعرفش عنهم حاجة ..".
