شهدت ساحات التواصل الاجتماعي تهكمًا من الحديث الأخير لقائد سلطة الانقلاب العسكري عبد الفتاح السيسي، والذي أكد أن أهم حاجة في الدنيا الفلوس، قائلاً: بها نستطيع أن نأكل ونشرب ونبني، ووجه المنقلب كلامه لمحافظ الإسكندرية: الفلوس.. الفلوس.
وافتتح السيسي، اليوم الأربعاء، المرحلة الثانية من فنكوش الإسكان القومي ما أطلق عليه “بشائر الخير 2” بمنطقة غيط العنب بكرموز غرب الإسكندرية.
السيسي وجه كلامه لمحافظ الإسكندرية والحكومة قائلا: “أهم حاجة في الدنيا الفلوس، لو معانا هنقدر نعمل وناكل ونشرب ونبني، فين الفلوس”، إلا النشطاء ورواد التواصل ردوا عليه بالعديد من التعليقات نرصدها فى التقرير التالى:
كتبت “صابرين على” على حسابها بفيس بوك..الفلوس فى جيبك ياسيسى طلعها.
وسخرت سعاد عبد الله موجهةً حديثها للمنقلب فقالت: إنما الأمم الفلوس إن ما حضرت هم ذهبت فلوسهم ذهبوا..تربيه حواري بوخارست.
مقاول أنفار
وعلق ” محمد خضر”: مقاول انفار وربنا.. تبعه أشرف فرج: لما إنت عارف كده أمال عمال تخصم مننا ليه.
في حين كتب مصطفى منصور على “فيس بوك”: شخلل علشان تعدي ..بيفكرني بمشهد احمد ماهر في شمس الزناتي.
وكتب “مدثر أبو أسامة”: هو اللي يصطبح بوشك يا بلحه..حيشم ريحة الفلوس تاني.
حسن هاني سخر من حديث المنقلب فقال: أهل الشر اخدوها معاهم فوق جنب سلم الديمقراطية، والتفويض أما نحكمكم أما نقتلكم.
وأضاف عمرو عيد: اسأل نفسك عن الفلوس وديتها فين يا بلحة، لايمني ع الفكة.
3 عدادات
فى شأن متصل، واستمرارًا لعكننة السيسي على المصريين، وجه عبدالفتاح السيسي، بتغيير كافة عدادات الكهرباء والمياه والغاز في المنازل إلى عدادات مسبقة الدفع.
وقال السيسي، خلال افتتاح مشروع غيط العنب، اليوم الأربعاء، بالإسكندرية: الكهرباء والبترول والري، الـ3 عدادات اللي في البيوت دي لازم تكون مسبوقة الدفع، المواطن يحط الكارت ياخد مياه ويحط الكارت ياخد غاز ويحط الكارت ياخد كهرباء.
وتابع المنقلب: أرجو إن ده يتم تطبيقه في البترول والإسكان والمياه، هنعمل عدادات بكده، وده أرخص من اللي انتوا بتعملوه، أنا هبعت ناس لكل البيوت تشوف العدادات، محدش هياخد الخدمة إلا ما يحط فلوس، وزير المالية.. ده ينطبق على أي حاجة بنعملها وفي كل منشأة جديدة يتم تنفيذها.
