كشف توفيق عكاشة، أحد الأذرع الإعلامية للانقلاب، عن أسباب عودتة مرة أخرى للظهور عبر قناته على “يوتيوب”، بعد فترة انقطاع طويلة عقب إسقاط عضويتة في “برلمان الانقلاب”.
وقال عكاشة: “مفيش رئيس يقدر يرخص حاجة.. لو اشتغل فينا 50 مليون وأنتجوا هتبقى مصر أقوى دولة اقتصادية في المنطقة ولكن احنا نايمين على القهاوي والسراير في البيوت ويقولك ايوا يا عم دا الريس غلى السكر والبنزين وهو مبيغليش”، زاعمًا أن “مصر تواجه حرب الجيل الرابع”.
وأضاف عكاشة: “مكنتش عايز السيسي يطبطب وياخد قرارات صارمة وهو وجهة نظره الانتظار قليلاً لمدة شهرين وأنا كنت مستعجل فحدث الخلاف، ولكن الأمر انتهى باتخاذ السيسي الإجراءات والقرارات الاقتصادية المطلوبة، ولذلك عدت للظهور مجددًا لأعلن تأييده في الانتخابات”.
وتابع عكاشة: “المواطن هو اللي هيجيب الفلوس مش الدولة، الدولة هتجيب فلوس منين.. مفيش رئيس دولة بيغلي الأسعار ولا بيرخص والريس مش قاعد على خزائن قارون ولا بحر يوسف من الدهب”، مضيفًا: “لا بد من نزول الانتخابات، فالمسألة أمن قومي، إن أردتم أن تكونوا مصريين لازم تكونوا مصريين، علشان الأمم المتحدة تشوفنا”.
