بعد سنوات من المنازعات بين الملاك والمستأجرين، جاء حكم المحكمة الدستورية العليا، بعدم دستورية الفقرة الأولى من كل من المادتين (1 و2) من القانون رقم 136 لسنة 1981 في شأن بعض الأحكام الخاصة بتأجير الأماكن وتنظيم العلاقة بين المؤجر والمستأجر، بردا وسلاما على ملاك العقارات، بينما جاء كالصاعقة على المستأجرين، لينهي حالة الشد والجذب وفي الوقت ذاته يثير العديد من التساؤلات، حول التوقيت الذي صدر فيه القرار.
وأثار هذا القرار ردود فعل، حيث إن القانون ستم تطبيقه بعد عامين مما يقلل من حدة الغضب الشعبي للمستأجرين الذين يزيدون عن مليوني أسرة، غير أن أكثر من مليون أسرة منهم يقطنون تلك العقارات فعليا، مما يهدد بطردهم أو رفع القيمة الإجارية عليهم، خطر يهدد الأمن القومي لمصر.
المتضررون
كتب فادي : “احذروا من ثورة الغلابة ثورة المقيمين في الإيجار القديم، كل اللي بيقول الحق رجع لأصحابه، حضرتك أخذت حقك لما أجّرت الشقه ودلوقتي عاوز تأخذ حق تاني، والمستاجر هو الحيطة المايلة اللي جاي عليه ارحمونا حتى الحيطة مدارينا، عاوزين تطلعونا منها #الإيجار_القديم #المحكمة_الدستورية_العليا”.
https://x.com/DesFady/status/1855318226038841470
ونوه أيمن : “حرام عليكم أنتم عايزين إيه من الشعب، الشعب مش لاقي يأكل -#الإيجار_القديم”.
https://x.com/ayman6672/status/1855307860210856014
وتهكمت نور : “عيب ده إحنا حفظنكوا، ملاك مين اللي صعبوا عليكم، أيوه كده وسط البلد ياباشا #الإيجار_القديم”.
https://x.com/Klobtayeba/status/1855764392601682310
وقالت أشكى :”حس إن المسئولين اللي موجودين في منتهى الغ.با.ء لما يصدر قرار بزيادة القيمة الإيجارية، والمواطن مش لاقي يأكل ومنتظرثورة جياع، ومطلوب من المستأجر رفع القيمة الإيجارية لأ والله حلوة سياسة الإلهاء ياترى فيه رفع إيه تاني؟ #احذروا غضبة المستاجرين حسوا سيبوا الناس تعيش في أمان”.
https://x.com/3ashktalahly22/status/1855667673650135419
وأضاف حسن هلال: “ادفع لي خلو رجل اللي أنا كنت دافع هولك وقتها (إللي هو بيعادل 80% من قيمة الشقة، بقيمتها دلوقتي) وخد شقتك يا عم”.
https://x.com/HassanHelal_FE/status/1855694321762365769
ولفت منير الخطير : “أكتر من تلاتين مليون مصري دلوقتي في مواجهة مباشرة مع النظام والبرلمان، وجمال عبد الناصر بسبب قانون الإيجار القديم ، هل فيه حد عاقل مفهمهم الكارثة دي ؟”.
https://x.com/farag_nassar_/status/1855639967994667472
ولفت جمال : “طرد الأسر بإلغاء الإيجار القديم + سد النهضة + تعويم الجنيه = إبادة جماعية للشعب”.
وفي تغريدة أخرى أوضح : “تغيير ديموغرافي لـ7 مليون مصري بـ9 م. أجنبي +استهلاك بزيادة هائلة للمياه والطعام والوقود لصالح غير المصريين +التضييق على سكن المصريين، خصوصا في الإيجار القديم لتسكين الأجانب +إفقار منهجي كثيف لملايين المصريين = إبادة شاملة منهجية للشعب المصري ولا قوة إلا بالله”.
https://x.com/GMSBaghdadi/status/1855630905122939176
محمد يوسف كتب : “الله يلعن العسكر الفشلة اللي وضعوا القانون من 70 سنة، وكان السبب الرئيسي في خراب بيوت أصحاب العقارات، والسبب في إحجام أصحاب رأس المال عن بناء العقارات”.
https://x.com/Mahmoud21574235/status/1855640390637879631
علق حسام : “قانون الإيجار القديم المالك خد حقه و زيادة، خد مبلغ كبير وقت كتابة العقد واتفق على مبلغ إيجار شهري مدى حياة العقار على المستأجر، و بعد سقوط العقار بترجع ملكية الأرض للمالك، الملاك مكنوش هبل هي كانت طريقة لبيع المباني بدون الأرض للمستاجر يجب دراسة كل عقد على حده لحفظ الحقوق”.
https://x.com/hasem13915374/status/1855656631561822677
وأضاف أيمن سرور: “دون الدخول في قانونيات أحكام دستورية سابقة مناقضة، وانتظارا للحكم المكتوب، ودور المحكمة المحدد بقانونها والقواعد الدستورية المستقرة، فإن التغيير في #قانون_الإيجارات_القديم للسكن الذي يمس ملايين يعانون اقتصاديا في #مصر، ودون قواعد واقعية لقانوني الإيجار القديم والجديد سيكون مرعبا”.
https://x.com/ayman_sorour/status/1855258188188172683
المنتفعون
كتب أسنان آلي : “قانون الإيجار القديم ظالم، لازم ينتهي ويرجع الحق لأصحابه”.
https://x.com/mr_s3fan/status/1855574478392062457
وأضاف البشري: “يعني إيه تبقى ساكن في روكسي في شقة سبع أوض وريسيبشن يرمح فيه الخيل وبتدفع 15 جنيها؟ إيجار في نفس الوقت اللي واحد ساكن في أوضة وصالة في عزبة النخل بيدفع 1000 جنيه إيجار جديد ، الظلم الواقع على أصحاب العقارات والمحلات اللي بتتعامل ب #الإيجار_القديم غير طبيعي، #الإيجارات_القديمة”.
ولفت محمد جمال: “تعبنا أقسم بالله من أجل هذه اللحظة، اللهم لك الحمد ولك الشكر يارب تكملها على خير”.
https://x.com/Muhamed24Ga/status/1855557759325888594
ونوه نادر محمد : “كفاية ظلم وأكل أموال الناس بالباطل كفاية إيجار قديم كفاية إيجار قديم”.
https://x.com/NaderMa18218780/status/1855310791706308695
وغرد زايد الطماوي: “الناس يستاهلوا لأن دي ناس استغلالية، وقرار المحكمة الدستورية العليا تاريخي الصراحة يعني إيه شقة إيجارها 1000 جنيه ولسه لغاية دلوقتي بتتأجر بـ20 جنيها عشان الإيجار القديم؟”.
https://x.com/EltamawyZiad/status/1855243835158237482
وذكر الباشا محاسب : “انفجار وهتحصل أزمة سكانية رهيبة ما بين المواطنين في ظل هذه الظروف العصيبة على الشعب المصري، حكم زي دا قادر يخلق أزمة بين أفراد المجتمع ربنا يسترها بس بردو أصحاب العقارات لهم حق، حرام يبقي إيجار عقار كامل في منطقة بوسط البلد ميكملش ٥٠ جنيها في الشهر”.
https://x.com/abukrtuna/status/1855253930818621463
موعد انتهاء مجلس النواب الحالي
الجدير بالذكر أن مجلس النواب الحالي بدأ أولى اجتماعاته في 12 يناير 2021، ومن المقرر أن تنطلق إجراءات انتخابات مجلس النواب القادم في 12 نوفمبر 2025 وذلك وفقا للمادة 106من الدستور”.
تنص المادة السابقة على أن مدة عضوية مجلس النواب تستمر لمدة 5 سنوات ميلادية، تنطلق من تاريخ أول اجتماع له ويجرى انتخاب المجلس الجديد خلال الستين يومًا السابقة على انتهاء مدته المقررة.
وبخصوص موعد انتخابات مجلس النواب القادم 2025 فيبدأ إجراءات الانتخابات في شهر نوفمبر لسنة 2025 على أن يبدأ المجلس الجديد أعماله رسميا في يناير 2026.
