كتب حسن الإسكندرانى:
دعت الكاتبة الصحفية غادة الشريف، إلى مقاطعة الشركة الرابعة لخدمات المحمول "وي" والتي وصفتها بأنها "تابعة لجهة سيادية ومعفاة من الضرائب". لافتة إلى أن "الشركة دى تابعة لجهة سيادية معفاة من دفع الضرائب فعلشان كده لما الدولة زودت الضرايب على الشركات الثلاثة الاخرى الشركات عوضتها من المستهلك. وأكملت: بينما الشركة الرابعة عملت عروض تخفيض فى نفس الليلة لأنها كده كده مش بتدفع ضرايب فمش هتخسر حاجة.
وأضافت صاحبة "اغمز بعينك ياسيسى" عبر منشور بموقع "فيس بوك": المفروض المقاطعة تكون للشركة الجديدة لأنها هى سبب الأزمة. ثم تابعت حديثها: لكنها طبعا مش هتفضل في الرخيص كده لفترة طويلة، لأ، هى بس تسحبك من الشركة اللى انت فيها وبعد كده هتغلى اسعارها زى ما كل حاجة عمالة تغلى فى مصر و يقولولك الاسعار العالمية!
واختتمت حديثها: "فى النهاية احنا قدام مؤسسة سيادية عرفت ان المصريين بيصرفوا 30 مليار على مكالمات الموبايل فطمعت و قررت تكوش هى على الــ30 مليار دول".
