تصدر وسم #هننزل_ننقذ_مصر مواقع التواصل الاجتماعي ومنها "تويتر" في محاولة إلكترونية جديدة لدعوة الجماهير لتغيير الواقع السيئ الذي أحاط بالمصريين بسبب الانقلاب وتداعياته السلبية.
فيما رأى ناشطون أن الوسم محاولة لتنفيذ العهد الذي طالب به الشيخ حازم أبو إسماعيل "خذوا عهدًا على أنفسكم ألَّا تعودوا غنمًا تُساق بالعصا".
وكتب "مصرى حر"، "ثورة يناير هي إعجاز بشرى من للمصريين وعملت ذهول لمبارك و العالم كله.. ده ملخص لقوة الثورة .. اما اللى بيشتموها عمال على بطال او اللى بيستعروا منها فدى نبرة غليان وحقد مدفوعة الاجر .. توجيه معنوى برسالة سلبية عن الثورات عشان تكون دى اخر ثورة للمصريين على المدى المنظور".
وأضاف "عاشق تراب مصر" أن "اعظم ثورة سلمية شهدها التاريخ ضد نظام فاشى قمعى سلطوى وآثار هذة الثورة لن تمحى وستظل باقية مهما حاول الطغاة طمس معالمها".
وعن تغيير الوجود في السياسة الدولية علق "The Khedive 7"، "فردة شراب قذرة.. تصلح للاستخدام فى كلا القدمين.. كل ما يفعلونه تغيير أسلوب الضغط .. الاستراتيجية واحدة وهى خدمة الكيان.. ما حك جلدك مثل ظفرك يعنى لو منزلناش.. محدش هييجى ينزل لنا ولو نزلنا ورجعنا يبقي.. هنموت يعنى اللى ينزل يكتب وصيته وميرجعشي".
أما "7azom" فكتب، "كل زفرة .. كل نفرة .. كل زحمة في كل حارة .. او خناقة في الاشارة.. كل كلمة حق او ضحكة ولد او بنت .. كانت دعوة مستورة الى العصيان.. فى حاجة أصلا فى الطبيعة تدعو للثورة على السلطان.. شوف الشجر رغم الحجر طارح ثمر زى الخبر وبتعلنه الأغصان".
مطالب الثوار
وقال"محمد": "مطالبنا هى مطالب الشعب، إنهاء حكم العسكر، إلغاء المحاكمات العسكرية، محاكمات ثورية للفاسدين وقتلة الثوار، إنهاء حالة الطوارئ فعليا".
وأضاف "يا أهلينا انضموا لينا قتلوا محمد قتلوا مينا دم الشهيد فى رقبينا – يسقط يسقط حكم العسكر ..إحنا الشعب الخط الأحمر – على الصوت قولها قوية…مصر دى دولة مدنية".
وكتب المهندس الثوري "النزول المره دي مش متعلق بيوم.. يجي وقت ما يجي وعلى الله التساهيل.. اللي اهم من النزول انك يكون عندك استعداد ليوم زي ده.. لازم الفكره دي تفضل معانا إن مكنش النهارده يبقى بكره او بعده.. المهم حلم الحريه اللي نفسك فيه ميغبش عن ذهنك لازم يكون حاضر.
