شهد الفضاء الرقمي في مصر موجة عارمة من السخرية السوداء والاستياء بعد تصدر هاشتاج #عبقرية_القروض، حيث تفنن الناشطون في تشريح المشهد الاقتصادي بتهكم لاذع. وعبر قطاع من الناشطين والمواطنين عن استيائهم من السياسات الاقتصادية الراهنة، وتحديداً آليات التعامل مع ملف الديون الخارجية والداخلية.
وركزت التعليقات على انتقاد فكرة الاعتماد على تدوير الديون، والاقتراض من أجل سداد التزامات سابقة، وسط تحذيرات من التداعيات الطويلة المدى على مستقبل الأجيال القادمة والمواطن البسيط.
وعلق مغردون قائلين: "إحنا وصلنا لمرحلة من العبقرية تخلينا نستلف 400 مليون دولار مخصوص علشان نسدد بيهم قرض قديم بـ 485 مليون! دي مش معجزة اقتصادية.. دي دوامة ملهاش كتالوج".
وأضاف آخرون ساخرين من الوعود المستمرة: "البلد مغرقانا إعفاءات والمعاشات مش عارفين نودي فلوسها فين.. يااااه على الحلاوة اللي إحنا فيها!"، في إشارة متهكمة إلى الفجوة الكبيرة بين التصريحات الرسمية والواقع المعيشي الطاحن.
حساب @GenZ002_eg علق قائلا: "كل ما البلد تغرق في الديون، يطلع السيسي يكلمك عن "الإنجازات". وكل ما القروض تزيد، يقولولك "إصلاح اقتصادي"! إحنا وصلنا لمرحلة عبثية بقا الاقتراض فيها محتاج قرض جديد عشان يتسدد!
لما النظام يستلف 400 مليون دولار عشان يسدد قرض قديم بـ 485 مليون، يبقى إحنا مش رايحين في داهية.. إحنا جوة الداهية نفسها. السيسي بقاله سنين عايش على المسكنات وباع للناس أوهام ومشاريع "فانكوش" اتقال إنها هتنقل مصر لمكان تاني، والنتيجة الوحيدة إن الديون بتجري أسرع من أي شيء تاني، والمواطن المطحون هو اللي بيدفع الفاتورة من لقمته، وصحة عياله، ومستقبلهم.
النظام اللي يخلي بلد بخيرها وتاريخها زي مصر تلف وتتحايل من قرض لقرض، ومن صندوق لصندوق، ده مش نظام بينقذ بلد.. ده نظام بيفشل بامتياز في إدارة دولة. السيسي كل مرة يطلب من الناس "تصبر"، وفي نفس الوقت الأسعار بتولع، والجنيه بيموت، وديون مصر بتتباع للبنوك والمستثمرين الأجانب، وكأن مستقبل الأجيال اللي جاية بقى رهينة في إيد الدائنين.
مصر مش تكية، ولا تستحق تفضل عايشة على القروض والشحاتة عشان تغطي على فشل سياسي واقتصادي مرعب. الفشل هيفضل فشل، ومفيش أي مؤتمر هلس أو تصريح متفبرك هيقدر يغير الحقيقة المرة دي. مصر تستحق إدارة حقيقية تبني مش تخرب وتستلف".
وأضاف حساب @AdasaMasr، "عبقرية القروض عند #السيسي والسيساوية! مصر تعتزم اقتراض 400 مليون دولار لسداد دين آخر بقيمة 485 مليون دولار. قرض وراء قرض… لسداد قرض… وفوائد قرض… ثم قرض جديد لسداد القديم. دوّامة لا تنتهي، ولا أفق واضح لسداد حقيقي، بينما الديون الخارجية والداخلية تبتلع حاضر مصر ومستقبلها، وتدفع البلد يومًا بعد يوم نحو مزيد من الارتهان والبيع والتفريط.
هذه هي “العبقرية السيساوية” في إدارة الاقتصاد: إغراق مصر بالقروض، ثم تحميل الشعب الثمن، ثم بيع الأصول، ثم العودة للاقتراض من جديد. طيب يا عباقرة عصركم… قبل ما ترهنوا البلد وأهلها، بيعوا الطائرات الرئاسية، وعلى رأسها ما سميتموها “ملكة السماء”، وبيعوا أساطيل السيارات الفارهة، وابدأوا أولًا بالأموال المنهوبة من رأس الفساد وحاشيته وكبار المنتفعين من هذا الخراب. احجزوا على أموال من نهبوا البلد، لا على مستقبل الشعب.
رحم الله العز بن عبد السلام، يوم باع المماليك وما يملكون، فامتلأت خزينة الدولة، وسُددت الديون، وخاضت الأمة أشرس معاركها ضد التتار والمغول وانتصرت. فهل يجرؤ أحد في مصر اليوم أن يفعل ما فعله العز بن عبد السلام؟ هل يجرؤ أحد أن يبدأ من فوق؟ من القصور والطائرات والمواكب والحسابات المنتفخة؟ أم سيظل الشعب وحده يدفع فاتورة الفساد والقمع والديون؟ إنقاذ مصر لا يبدأ بقرض جديد… بل يبدأ بمحاسبة من أغرقوها، واسترداد أموالها، وفتح السجون لخيرة أبنائها بدلًا من دفن البلد في ديون لا تنتهي".
https://x.com/AdasaMasr/status/2060318137694753085
وكتب الشرقاوى @topvip2024 "السيسى فاهم كل حاجة بس وضعه الاقتصادى وقروضه سحبت منه القرار واصبح مفعول به وليس فاعل مصر تحت يد صندوق النقد ومفوضية اللاجئين وكل المطلوب منه هيتفذ بطريقة او باخرى. اهمال التعليم والصحة مقصود، سحب قروض لمشروعات غير مفيدة للمواطن مقصود، تكبيل الدولة بالقروض واللاجئين مقصود".
https://x.com/topvip2024/status/2060611349244235813
واضاف في تدوينة متصلة، "صح قال عايز اعمل قناة قالنا حاضر جمعنا 60 مليار والنتيجة صفر. قال جبنا جون فى الغاز طلع افسيد. قال هعمل مزارع اسماك زاد 200%. قال محطات طاقة شمسية رفع سعر الكهرباء وغيره كتير المردود صفر. قروض 165 مليار دولار غير الدين الداخلى. الفاشل المتمسك بالسلطة = الفاسد. النتيجة واحدة."
وكتب اشرف @a_alfr7، "السيسي عايش على القروض بقولك بياخد قروض عشان يسدد فوايد القروض (والحكاية كانت كده واحنا عملنا كده وهي دي المعجزة)".
https://x.com/a_alfr7/status/2060410141732659559
وفي تعقيب آخر له، أوضح وجهة نظره قائلاً: "مين اللي عمل الديون مش السيسي مين اللي حاكم الدولة من 13 سنه وكل اللي قدمه فشل ووعود لم يقدم منها شيء في مقابل انه فتحها زريبة للاجئين في دولة عرت كتفها وكشفت ضهرها ومش عارف اعلم مش عارف اسكن عشان احنا فقرا اوي وبعد كده 30 مليون لاجئ بياخد قروض عشان يعمل قصور ويصرف على اللاجئين."
حساب @masr_7، علق بلهجة متهكمة وساخرة تعقيباً على الخطاب الرسمي الراهن: "شوفوا الدقه المتناهيه في الكلام والبعد الاقتصادي. الراجل حريص علينا ومغرقنا اعفاءات والمعاشات مش عارفين نودي الفلوس فين. يااااااااه علي الحلاوه اللي احنا فيها".
وأضاف @ahmaed_aleaqrab "نظام العسكر يستهدف مدخرات وجيوب الشعب لسداد القروض والديون اللى أتصرفت على عائلة السيسي الصهيونى #يوم_الكرامة".
https://x.com/ahmaed_aleaqrab/status/2060857477197865103
وشارك @Jamal_19785 في نقاش أوسع حول التبعات الجيوسياسية للاقتراض الخارجي المفرط، وتحديداً مع الجانب الآسيوي، معلقاً: "الصين راح يغرقو سيسي بالقروض ويفرضو عليه فوائد 50% سعتها راح يضطر سيسي يبيع مصر للصين رسميا وهوه وعيلتو يشيلو شنطه دولارات والذهب ويهرب مع سلامة يا حلوين الى اوروبا ويكون صينيين همه اصحاب الارض- والمصريين عبيد عندهم -وينتهي حكاية على كده ونرجع للزمن الفرعون الصيني والعبيد مصري".
