دشن رواد “تويتر” هاشتاج حمل اسم” البحيرة” تصدر ترند مصر، بعد الحادث المفجع الذى أودى بحياة 5 مواطنين بينهم سيدتان عقب غرق مركب نقل ركاب فى الرياح البحيرى بكوم حمادة محافظة البحيرة وكان القارب على متنه 23 شخصا من العمال الزراعيين.
الناشطون كشفوا الإهمال المستشرى فى دولة الانقلاب وتكرار عمليات غرق المواطنين جراء الحمولة الزائدة .وكتبت: مريم عياش البتول:هتركب القطارات هتموت ..هتركب العربيات هتموت ..هتركب المراكب هتموت ..هتتظاهر هتموت ..هتتعقل هتموت ..هتقعد في بيتك ههيدخلوا عليك يصفوك ..في مصر انت ميت ميت باي شكل ميت.
حساب باسم” أوكســــــــجين” غرد على الهاشتاج فقال:مفيش رقابه اصلا ع المعديات الصغيره اللي بتنقل الناس من مكان لمكان ف مناطق كتير بيستخدموا قوارب الصيد اللى اصلا حمولتها 2 راكب بيحملوا فيها 6 و 7 و10.
أنا من البلد دى
كلمات مبعثرة قالت: اه يابلد ارخص مافيكي الانسان..هل نسمع بحبس من سمح لهذه المركب بالعمل ومن اعطاها رخصه تحمل ٢٥ انسان في مركب حمولتها ٨ اشخاص .
بينما رد الناشط الشهير” عسـل اسـود”:غرق 5 اشخاص بعد انقلاب قارب ركاب بالبحيرة..أنا من البلد اللي ركبوا قطر ماتوا ،وركبوا اتوبيس ماتوا،وركبوا عبارة غرقوا وماتوا، وحصلوا اللي فاتوا.
سومة..اذا كان الميكروباص بيحمل زياده مش عاوزين المعدية تحمل ٢٥ ؟؟ الناس بتمشي وتقولك سيبها على الله بس ربنا قال ولا تلقوا بايديكم الى التهلكه بلا ربنا يرحم اللى ماتو ويصبر اهاليهم.
فتش عن السيسى
وتبع النشطاء غضبتهم بالتغرديات فقالت “جين الثورة”..وإن سألوك من قتلهم ؟؟ قل قتلهم الإهمال بلد لا يهمها سوا السيسي وموكبه ولاتهتم بأبنائها .
وسخر ” روميل ” فكتب :مسأله فى الرياضه الحديثه:عبارة حمولتها 8 افراد حد اقصى فى يوم غرفت العباره..20 تم انقاذهم و 5 غرقوا..فاذا كان 20+5 =8 ، فاذكر مكان وبلد العباره.
خالد سويده.. بيقولك المعديه حمولتها 8 أشخاص أنقذوا 20 ومات 5 لا تتعجب فمصر أصبح لديها شبكه مواصلات كده المنوفيه البحيرة.
وتابع” سويده”ناس بتبني اكبر جامع وأكبر كنيسه من باب الفشخره وناس بتموت غرقي في المياه بسبب الركوب في معديه متهالكه عوضا عن كوبري يتم بناؤه من أجلهم البحيرة.
وأضاف “الذين يبنون الوطن بشويه حجاره دون الاهتمام لا بصحه ولا تعليم هم أشد الناس خطرا علي حضارته .
صاحب المعدية
وتمكن الأهالى اليوم، من القبض على “عمران.م.ق”، صاحب المعدية، التي غرقت بين قريتي كوم شريك بالبحيرة، وبشتامي بمحافظة المنوفية.
وكان الأهالي قد تمكنوا من إنقاذ 18 من ركاب المعدية، بينما غرق 5اخرين أثناء استقلالها للعبور من قرية بشتامي بمركز الشهداء بمحافظة المنوفية، للوصول إلى قرية كوم شريك بمركز كوم حمادة بمحافظة البحيرة.
أسماء الضحايا
أسفر الحادث، عن مصرع 5 أشخاص غرقا، تم انتشال جثثهم بمعرفة قوات الإنقاذ النهري، وتبين أن العمال من محافظة المنوفية ويعملون بالزراعة بمركز كوم حمادة وهم: داليا السيد عبدالرحمن وعزة السيد عيد وعبدالرحمن رضا شعير ومحمد السيد حسانين وعبدالكريم بسيوني محمد يوسف.
الناجون هم : إبراهيم رمضان وحسام العربي وأحمد جمعة ومحمود فقير وسامية عبدالوهاب وأسماء رمضان وهادئة العمروسي ونرمين خالد ومنار عبدالفتاح ولوزة القصاص ورانيا عبدالحميد وابتسام محمد وهدية الشناوي ونورة عبدالحنيد ومحمود عبدالعاطي، ونادية اللمعي وأميرة الحملاوي.
