أثار إعلان جمال نجم نائب محافظ البنك المركزي المصري عن إنتاج فئة النقد “10 جنيهات” في صورة النقود البلاستيكية خلال الفترة المقبلة مع بدء عمل مطبعة البنك المركزي المصري الجديدة في العاصمة الإدارية الجديدة، سخرية واسعة عبر مواقع التواصل الاجتماعي.
وكتب محمد جعفر: “ودى عشان افكها خمستين اعمل ايه !! اسيحها”، فيما كتب مصطفى كامل: “تحفظ في درجة حرارة لا تزيد عن ٢٧°.. مع عدم تعرضها لألسنة اللهب! وبالشفا”.
وكتبت شذا العمر: “ايه البلاستيك دي كمان.. طب دا الواحد لما بيبقي معاه خمسين جنيه عشرات في المحفظه بيحس انه معاه ثروة”، وكتبت نينو: “حلوة علشان لو اتوسخت أغسلها مع المواعين”.
وكتب محمد حمدي: “الناس بتتعامل بالعملات الرقميه دلوقت وانتوا لسه بتفكروا فعملات بلاستك ولا نحاس!!”، فيما كتب مصطفى مسعد: “تقدرو تعملو كدا ف السبعة ونص، ولا هي الشطارة ع العشرة بس”.
وكتبت رانيا جبر: “عادي ولو 200 جنيه بلاستيك حتي برضو مش هنختلف! ما هي العشرة جنيه وال100ـ جنيه مالهمش قيمة اصلا”، وكتب وائل ممدوح: “صاحب المقترح ده يا بتاع سمك او عنده معصرة بتاعت قصب”.
وكتب أحمد حياتو: “وتسيح ف الحر بتتصرف ذاتي يعني عشان المجهود و كده”، وكتبت نورا عاصم :”واعمل ايه بقه لو نسيتها في الهدوم واتغسلت ع السخن”.
وكتبت منار ناصر: “مشاالله عقبال متعملولنا الجنيه الجبس”، وكتب زياد محمد: “بس ده مش شغل بنوك ده شغل القهاوي البلدي والمعاصر”، وكتب محمد :”زي بتاع عصير القصب كده”.
