أثار برنامج مدفع رمضان، الذي يقدمه الممثل محمد رمضان، في أولى حلقاته استهجان العديد من النشطاء نظرا لكم الأموال المصروفة على البرنامج وديكوراته وطاقم العمل، حيث صُرف عليه أكثر من 150 مليون جنيه بخلاف أموال الجوائز، التي لا تتعدى 10% من تلك المصروفات، فضلا عن أن تلك الأموال المهدرة هي من أموال الشعب المسروقة.
فعلق الناشط السياسي عمرو عبد الهادي، “بشكر المخابرات العامة المصرية برئاسة محمود السيسي على برنامج #مــدفع_رمضان اللي بيقدمه محمد رمضان واتمنى ان الشركة المتحدة تزود البرامج دي عشان يوزعوا شوية نقطه من المليارات اللي سرقوها من المصريين على مدار ٧٣ سنه “.
واستعار مقولة من الكاتب غسان كنفاني.”يسرقون رغيفك .. ثم يعطونك منه كِسرة ثم يأمرونك أن تشكرهم على كرمهم .. يالوقاحتهم!! “.
الباحثة والكاتبة شيرين هلال: “عاوز تشوف انهيار الحضارة وتعرف يعني إيه انحدار مجتمع والكلام جد مش هزار ، تعالى اقولك من شوية كنت بتفرج على ماسبيرو زمان لقيت ايه بقى سكينة فؤاد مستضيفة نجيب محفوظ وبيتكلموا عن مسئولية الأديب في زيادة الوعى الثقافي لدى الشباب ، الكلام ده على قهوة فى وسط البلد وسط الناس خلص البرنامج لا ده مش برنامج دى جرعة للعقل والروح.. المهم هوب دبل كيك وصلت على قناة ON لقيت منى الشاذلي مستضيفة محمد رمضان وبيتكلم عن برنامجه مدفع رمضان وبيقولها ايه بقى “مدفع رمضان وفطار وسحور مش وقت هزار يبدأوا من الصفر واحنا هنبدأ من ست أصفار ، وأنزل روق على نفسك واعمل كل اللي فى نفسك” ، بيقولها كمان انا سعيد لأني كنت باخد ابني معايا يشوف النوع ده من الناس ، ترد بقى منى الشاذلي تقوله انت أسطورة يا رمضان مين ينسى ملحمة جعفر العمدة . – دى اكثر لحظة عبث عشتها الفترة دى عبثية مجتمع اتنقل من ثنائية سكينة فؤاد ونجيب محفوظ الى ثنائية منى الشاذلي ومحمد رمضان عبثية تتفوق على مأساة توفيق الحكيم فى مسرحية ” مصير صرصار “.
https://x.com/sherinhelal555/status/1896023035804791152
وقالت نوال :”كانت برامج الشارع في #رمضان برامج محترمة بتخاطب شعب مثقف وواعي بتسأل اسئلة ثقافية واسئلة من القرآن و اسئلة ذكاء جميلة قبل ما تدي جايزة فكانت بترسخ مبدأ لكل مجتهد نصيب مش مكسب سهل بدون تعب عشان انت فقير زي اللي بيروجله #مــدفع_رمضان !!”.
https://x.com/adrakhan15/status/1896079361457144242
ولفت الناظر : “#مــدفع_رمضان الخير ف العلن فضيحه وشو والصدقه المخفيه اصدق عند ربنا من الصدقه العلنيه ولو محمد رمضان وامثاله عايز يعمل خير . فيه ملاجئ للأيتام … وفيه دور رعاية كبار السن..وفيه معهد اورام … ومعهد سكر … ومعهد قلب.. المرأة المعيله .. فيه ناس نايمه تحت الكباري شوفوهم”.
https://x.com/ub__58/status/1895988332624298127
وقال حساب مارد وشوشي: “#مــدفع_رمضان انا شايف ان البرنامج اهانة للمصريين وبيأكد للعالم قد ايه في ناس كتير محتاجة في مصر واختيار غريب لواحد محدث نعمة عايز يحس انه ليه فضل على الناس”.
