على خُطى شباب المغرب ونيبال أطلق شباب “جيل Z” في مصر سيرفر “GenZ002” على منصة تليجرام وديسكورد، في خطوة تعكس تصاعد الوعي والتنظيم بين الشباب.
وأعلن الشاب المصري المقيم بهولندا أنس حبيب @AnasHabib98 عن “انطلاق سيرفر GenZ002 .. “.
وعلق قائلا: “اصنع الأمل، كن جزءا من التاريخ، اصنع هوية ومقدرات جديدة يستحقها هذا البلد العظيم مصر وأهلنا وصحابنا بعيدًا عن الفاشل الفاسد اللي ملقاش بلد ولقي أي حاجة وقالوا له خد ديه.”.
ولفت إلى أن رابط السيرفر موجود في قناة التليجرام ستجدها تحت التويتة. #GenZ002
https://x.com/AnasHabib98/status/1976024991243305327
ونبه إلى السيرفر مرتبط ب”جروب التليجرام ورابط (لينك) السيرفر “. والمهم قراءة تعليمات الأمان قبل ما تبدأ استعمال السيرفر، حيث يطلب رابط صفحة السوشيال الخاصة بكل عضو للموافقة الفردية للدخول، محذرا من دخول الأجهزة عبر “اللجان” إلى المنصة قائلا: “لو مش فارق معاك فإحنا فارق معانا أن اللجان متدخلش وتتجسس علينا ويشوفوا بنكتب إيه”.
وأشار إلى أن أمان الناس (المشاركين) رقم واحد عندنا والسرية، وإننا نسيب النظام بيأكل في روحه كده، وعايز يعرف إيه اللي بيحصل ده مش هنسيبه بالساهل كده يخش يتفرج.
وقال إبراهيم @als3eedy2010: “يا أنس ..خلي بالك.. من عناصر الأمن لم تدخل.. هتحاول تعمل إحباط ويأس.. وتفريق لأي أفكار جماعية.. حاول تكشفهم وتعرفهم.. لأنهم هيحاولوا يعرفوا كل التحركات والاتجاهات.. فخليك حذر”.
https://x.com/alradar_almsry/status/1975643418991685638
وقال حساب سياسي مخضرم @Veteran_Politc “إحنا في GenZ002 بنعلن دعمنا الكامل لرؤية أنس حبيب .. “.
واعتبرها “رؤية واضحة وقوية لبناء مصر الحرة، العادلة، والديمقراطية اللي بنحلم بيها، رؤيته بتمثل صوت الشباب والأجيال اللي عايزة تغيير حقيقي، مش مجرد كلام، إحنا معاه في فكرة خلق بديل قوي، مبني على نقاشات مفتوحة، تصويت ديمقراطي، ومشاركة الكل: شباب، بنات، علماء،مهندسين،دكاترة،خبراء في كل المجالات ، من خلال سيرفر الديسكورد GenZ002 اللي هينطلق غدًا إن شاء الله، هنشتغل سوا على صياغة مرسوم ثوري، خارطة طريق، وخطة واضحة للفترة الانتقالية، مع ضمان الأمن والاستقرار.
ليه بنؤيد أنس حبيب؟ عشان رؤيته بتدعو لدولة موازية شبابية تقوم على الحرية، العدالة، والكرامة”.
واستعرض أن السبب هو من يؤمن أن الشباب المصري عنده القدرة يقود ويغيّر، من غير ما حد يفرض علينا أمر واقع، ويحترم صوت كل مصري، وكل فكرة هتتناقش وتتصوت عليها بكل شفافية”.
وقال: ” إحنا مش بنحلم بس، إحنا بنبني مع GenZ002، هنثبت إن الشباب المصري مش بس عنده أفكار، لكن عنده الشجاعة والوعي يحققها. إيدينا في إيد أهالينا وأبطال ٢٥ يناير، وهنكمل الحلم سوا: مصر قوية، حرة، وعزيزة، الخطوة الجاية؟ انتظروا رابط السيرفر غدًا.
شاركوا بأفكاركم ومقترحاتكم. “.
https://x.com/Veteran_Politc/status/1975666671936545244
وعلق حساب التيم الإعلامي الثوري @revmediateam “جيل جديد قادر على قلب الموازين انتظروهم. #GenZ002
#كل_شوارع_مصر #انتفاضة_حتى_إسقاط_النظام.
https://x.com/revmediateam/status/1975302846217396691
ووجه عبد الرحمن الهاشمي @AbuAl3izz_26 رسالة للسيسي @AlsisiOfficial “يوم ما نفش.. العبط اللي أنت عايش فيه، معرفش هتهرب على فين، لو ركبت الطيارة وخلعت زي ما قولت فـ شعوب العالم كلها مش هتفرق بينك وبين نتنياهو، … #GenZ002
https://x.com/AbuAl3izz_26/status/1976220042049225119
وكتبت ياسمين @Ysmiin3e4، “أظن – والله أعلم – ثورة شباب مصر #GenZ002 وشباب المغرب لها أثر كبير بإيقاف الحرب على غزة.
عموما ألف مبارك لنا جميعا .. ريحة مطر معبية الدنيا ومافي مطر، كانها ريحة مطر غزة وصلت لدمشق، الفرحة القادمة بإذن الله، فرحة زوال هذا الكيان وتحرير الأفصى”.
https://x.com/Ysmiin3e4/status/1976195296955973791
وأضاف حساب شباب الحرية @Syrianfreeyouth “يا رب مصر يا رب، قومي يا #مصر وشدي الحيل 💚✌️ #يوم_الكرامة #GENZ002
https://x.com/Syrianfreeyouth/status/1976187199398785533
رؤية الجيل
ومن جانبه، استعرض أنس حبيب رؤية جيل Z عبر @AnasHabib98 قائلا: إن “التغيير الذي ألمح له السيسي اختصره أنس في البديل وأن “إسقاط أي نظام دكتاتوري مثل هذا النظام @AlsisiOfficial لازم يكون عندك عنصر مهم جدًا وهو البديل..”.
وأوضح “البديل ده لازم يكون فيه خصائص مغايرة تمامًا للخصائص السيئة للنظام الحالي اللي الناس عايزة تشيله بسببها.. طيب إزاي نقدر نعمل ده ونخلق النموذج الإيجابي والمغاير تمامًا له ونظهر ونثبت قدراتنا كشباب مصري عنده القدرة والمهارة؟ ..”.
وأشار إلى أم سيرفر ديسكورد الذي يشابه ما فعله المغاربة هدفه التنسيق ” يسمح لكل من يدخله بالتناقش وتقديم الأراء والمعلومات والمقترحات بكل ما يخص المشاكل اللي بتعاني منها مصر. “لما تدخل السيرفر هتشوف التنسيق”.
ولفت إلى أنه يشمل “.. مساحات للنقاشات والمقترحات كلها للتطوير لو عندك فكرة شايفها هتحسن من ادائنا السياسي والديموقراطي تقدر تطرحها وكله يشوفها ويتفاعل معاها ويقول رأيه”.
وقال: “هنعمل الأول على خلق كيان دولة شبابية موازي للدولة الحالية ولكن بكل الصفات اللي بيطلبها الشباب وأهالينا من حق وعدل وكرامة وديموقراطية وحرية وهنكون مغطيين كل الجوانب الدستورية والأمنية والسياسية بحيث نبقى عارفين إنه لما ننزل الشارع نطالب بحقنا وفقًا للدستور والقانون فإحنا عارفين بالظبط إحنا عايزين إيه وإيه اللي هيحصل بعد السقوط ومنسمحش لحد يسرق الثورة ولا يركب عليها ويتزعم علينا زعامة غير حقيقية والمجلس العسكري يركب تاني”.
المرسوم الثوري
وتابع: “..بعد إطلاق السيرفر وبدء النقاشات والحوارات هيكون في مدة زمنية بيصوت عليها شباب السيرفر هنخصصها للنقاش في شكل المرسوم الثوري اللي هتقوم مقام الدستور اللي سيتم تعطيله بعد رحيل النظام”.
وأردف، “المرسوم الثوري هيتناقش فيه كل الشباب بما فيهم خبراء قانونين معروفين ومحترمين وكله يطرح آراءه ورؤيته ويتثقف ومن كل الأراء اللي سيتم طرحها والنقاشات الواعية ومن رحم ده سنصنع مرسوم ثوري نصوت عليها كلنا وبنتيجة الأغلبية سيتم الموافقة عليها واعتمادها لما بعد تعطيل العمل بالدستور وسقوط النظام وكده كلنا لما ننزل الشارع فاحنا كلنا على نفس المستوى و فاهمين وواعيين ومحدش يقدر يضحك علينا ولا يفرض علينا أمر واقع.. لا ده كان زمن وولى.. الشباب هو اللي هيفرض الأمر الواقع وهيحكم! “.
واستدرك “لو لم يوافق الشباب على الوثيقة وشافوها غير مرضية سيتم اعادة الصياغة وطرحها للتصويت ولو أكتر من مرة حتى يتوافق الناس ويحصل على نسبة الأغلبية. “مفيش فرض آراء ولا تسلط ولا دكتاتورية تاني.. كله يشارك ويعبر ويقول رأيه وسيتم العمل بيه والتصويت عليه”.
خارطة طريق
واقترح أيضا نقاشات عن “خارطة الطريق”، و”الفترة الانتقالية وشكلها ومدتها “، و”شكل الدولة والمؤسسات، الداخلية والأمن العام “، و”الجيش وموازنته العسكرية المخصصة للتسليح”، و”محاسبة كل من أفسد وزيف عقل الشعب ودمره”. ، و”الحفاظ على الأمن العام للبلد بعد انسحاب الداخلية”.
ولفت إلى أن الداخلية مؤكد ستتخلى عن البلاد مقترحا (الخطة ١٠٠ والخطة ١٠١)؟! لم يوضح تفاصيل بشأنها..
ورأى أن رؤيته هي الخروج من عباءة كل الأحزاب والجماعات الكرتونية ل”نبني مصر المحترمة القوية الحرة من ضوء أفكارنا ومقترحاتنا ونقاشاتنا إحنا كشباب شاف العالم والشعوب كلها وتعلم من الإنترنت مش من القناة الأولى، وكمان الأفكار ديه هنصوت عليها ونحترمها وهنتعلم ونعلّم الديموقراطية واحترام الرأي الآخر عشان لحظة ما ننزل الشارع يكون البديل بكل تفاصيله معروف لينا ولأهلنا وللعالم كله”.
وأكد أن “حركة genz002 ليست حزب سياسي ولا جماعة دينية، إحنا حاجة جديدة هتدخل التاريخ وكتب العلوم السياسية.. مرجعيتنا وهدفنا هو خلق مقدرات وهوية مجتمعية وسياسية جديدة في عقول أهلنا الكبار والأجيال اللي هتيجي بعدنا ومبنية على حرية الرأي والتعبير وتداول السلطة السلمي من غير قمع وظلم وافتراء”.
وتم “كلنا مصريين منعرفش فرق وده اأكبر كابوس الطغاة والمستبدين ومحدش هيضحك علينا تاني واأيدينا في يد إخواتنا الكبار الأبطال بمختلف توجهاتهم كلهم و اللي بدأو ٢٥ يناير وتعلمنا منهم النضال، و بنمد أيدينا ليهم كلهم بدون أي تمييز أو فارق وبنقولهم تعالوا مع أخواتكم الأصغر منكم وشجعونا وساعدونا وشاركوا، وتعالوا نكمل حلم ٢٥ يناير تاني، الحلم الجميل اللي هيخلي مصر فعلًا أم الدنيا مش عرت كتفها وكشفت ضهرها زي المفسدين ما عملوا فيها!”.
