كتب– عبد الله سلامة
كشفت زوجة معتقل عن واقعة غير أخلاقية لمليشيات الانقلاب بحق سيدة مسنة، والدة أحد المعتقلين، طلبت دخول دورة المياه لمعاناتها من مرض السكر.
وقالت السيدة، عبر صفحة نساء ضد الانقلاب على فيسبوك، “امبارح كان عندنا زيارة وانتظرت للساعة واحدة أنا وبناتى وأحفادى علشان البهوات يتكرموا ويتأكدوا إن اسمنا متسجل جوه، وأنا واقفة شوفت منظر بيقول إن البلد دى عمرها ماهتشوف خير أبدا، شوفت سيدة كبيرة مريضة بالسكر واقفة أكتر من نصف ساعة تتحايل على الأمناء اللى على البوابة علشان يدخلوها الحمام، اللى هو على بعد خطوات من البوابة وهما رافضين”.
وأضافت السيدة أن “الست عمالة تقوله يا ابنى كلم الضابط دا القلب على القلب رحمة، طيب سيبنى أنا أدخل أكلمه هو لو شاف منظرى هيدخلنى، وهما ولا عندهم رحمة ولا إحساس، تروح فين واحدة ست كبيرة مريضة سكر فى مكان مقطوع زى دا ولا تتصرف إزاى، ما دفعها إلى تفويض أمرها إلى لله والسير.. والله أعلم بحالها”.
وتابعت السيدة “طيب انتوا صرفتوا الفلوس دى كلها علشان تعملوا بوابات إلكترونية وتأمنوا السجن، ماتعملوا حمامات للناس الكبيرة المريضة اللى بتلطعوها على البوابة بالـ٣ أو٤ ساعات أو كوبرى مشاة للناس اللي بتعدى الطريق ويحصلها حوادث”.
واختتمت قائلة: “ربنا يبتليكم بالأمراض التى ليس لها دواء، ويجعلكم عبرة وآية للعالمين، ويحرم رحمته عليكم زى مابتحرموها على المظلومين”.
